شوف واعطيني رايك في هالشتوات

شوف واعطيني رايك في هالشتوات

العيـن تمنت صاحب صوب..عالله يبقي لي مكتوب

يالغالي اعيونك واطيــهم..عندي خويا يفهم فيهم

ياأمي كان اتشوفيه..تنسي بويا واتحبيه

موش اخساره فيه حنيني..ايوزع في اصحابه وايجيني

لا ماننسي لمسة ايده..نظره وامعاها تنهيده

بين الصاله والمربوعه..كروني من بين اضلوعه

بأذن الله ايكون حلالي..ولد الجار اللي في بالي

أنا ريدي ماهو خوان..جاب امه واخته برهــان

ياسلم اخته الوسطيه..اللي اتجيب اخباره ليا

ياربـي نجي طلاته..قلبي ايدق مع خطواته

يــاالبنات اسباب غرامه..شخصيته وأسلوب كلامه

ناريدي موديل جديد..تسليمه وبوسه ع الايد

جيبولي ورقه وقلم.. انخربشله بالك يفهم

مرهون وبابه في بابي..وين انشوفه ايزيد عذابي

يحلف بالمكه الشريــفه..من غيري ماايدير وليفه

ماواجعني منه شي ..امغيــر كلام الناس عليّ

ريدي فيه ثلات طبايع..حشاش وسكار وصايع

حتي كان اعروقي..فيهم بالاحمر خطيت عليهم

ياشباب اقطع مافيكم..كلمة حب اخساره فيكم

وين ايغيب دقيقه عني.. نزعل واعصابي ايشدني

خلاص تواطن ياالانظار.. الغالي قال امي تختار

ياغالي امك شيطانه.. خشت في موضوع غلانه

ياماما ليش اتقوليها.. بنتي اصغيره مانعطيها...

ردودكم جزء من الموضوع