سـهـران مـش مـهـموم لــكن حــايـر **** انـخـمــم عاللي فى حـيـاتـي صـايــر .

سـهـران مـش مـهـموم لــكن حــايـر **** انـخـمــم عاللي فى حـيـاتـي صـايــر ..

سـهـران مـش مـهـموم لــكن حــايـر **** انـخـمــم عاللي فى حـيـاتـي صـايــر ..

ســـــاهـــر لـــيــلـــي **** وفــيــه نـــاس يـــامـــا كــيــف مــا طـاريـــلـــي

مــرة انــقـول اعـجــزت تـــاه سـبيلـي **** ومـرات نــزهــها انــحــس روحـي طـايــــر

ومــرات نــفـقـد حـجـتي ودلـــيلـي **** ومـــرات نــــمــــلك مــعــرفـــة ودبــــايـــــر

فــــارح انـهــلل تـسمـعــه تـهـليلي **** ومـــرات نـــا والـــفـــرح كـــيـف ضــرايـــــر

لايــــزورنــي فى يــــوم لا يــمــشيلي **** مـــعــزول كــي مـــذنــب ودار كــبــايــــر

ومــرات فى اول صـف خـابـر جيـلـي **** ومــرات عـكـس الــــريـح نـــبــدا ســـايـــر

ومــرات نــشـعر مــا هــنـاك مـثـيلي **** انـخـش الـفـيافـي انـجـيبـهـم الـبشايــــر

ومــرات كـيف الـكـهل طـــايـح حـيلـي **** ومــــرات بــالــصحـة وجـيـهـي نــــايــــــر

ومـــرات صـاحـب طارب ويـحـكيـلي **** انـجـامـل ونــضحـك , فـيه غــير انــسايــــر

ومـــرات غـاضـب جـاينـي يـشكـــيلي **** انـواسـي فى قـهـره ونــا مـعـبى قـهـايـر

ومــرات مـن صــدمــة يـجــي يـبـكـيلي **** نـشحـد عـزومـه فـوقت عـزمـي خـايـــر

وانـجـيــبلـه الامــثـال ومــواويــلي **** نــبـرد اعــصابــه فــوقــت دمــي فـــايـــر

وانـخـبــره على نـــاس زادو مـيـلي **** مـنـهـم الخــــاطـر والـقـليب كــــســايــــر

اللي قـلـت هـمــا فـرحـتي وقـنـديـلـي **** يـضــــوو ايــامـي انـــكـان جـــار الجــايـــر

راهـنـت بـيـهـم كــل مـن يـفـتـيلـي **** وانـقـول مـش معـقول ممـكن غــــايــــــر

نــا قـلـت هـادوم ودهــــم صــافـيلـي **** حـطـيتـهم مــبــداي كــيف الـثايـــــــــر

ويشــهد الله وفـــيت لــيهــم كـــيلي **** وصــارحــتهم باللي هـنـاك وصــايـــــــر

لا خـدعـتهم لا لـعـبت يــوم بـديلـي **** والـجــــود مـ المـوجــــود هـــكي دايــــــــر
ـ
لــكـن بـديـل الـباهـية تـهـديـلـي **** ظــلـــمك , وتــــخـسـر فـوقـهـا الخـسايـــــر

اللي يـبيعـني فـى الضـيق مـايـعـنـيلي **** مــن كـــثر رخــصه مـــا يـجـوز انـعـايـــر

.................................................. .............................. ........................ .......
يــــاصـاحـبي بالله غـــير اصــغـيــلي **** جـربـت نــا قـــبـلك امـليــت شــكــايــــر

غــير كـيــف نـــحـــزن , فــيه رب وكــيلي **** اللي دارلـي ,هــو يــــديــرلــه الـدوايـــر

وعـنـدي الـحـنـونـة الـطاهـرة تـدعــيلـي **** ونـــا مــار فـى الـدنـيـا مـثـيل الـــزايــر
.................................................. .............................. ................................

سـهـران مــش مـهـمـوم لــكــن حـايــر ****يـكـفي خـلاص , فـهـمـت شن لي صـايـر..$$